Աշխատանքային ժամերին համացանցային սերֆինգի դադարները նկարող են նպաստել աշխատանքից գոհունակության զգացման առաջացմանը: Այսինքն համացանցի ռեսուրսներում կարճատեւ դադարները կարող են արդյունքում մեծացնել աշխատանքի արդյունավետությունը, հայտնում է Computers in Human Behaviour-ը:
Հետազոտողները ուսումնասիրել են 250 ուսանողների վարքագիծը՝ հետեւելով այնպիսի ցուցանիշների, ինչպես աշխատանքից գոհունակության մակարդակը, բացասական էմոցիաները, ինչպես նաեւ աշխատանքից ազատվելու ցանկությունները: Պարզվել է, որ փորձի նույնիսկ այն մասնակիցները, որոնք գործատուների եւ գործընկերների կողմից բացասական վերաբերմունքի են արժանացել, ցուցադրել են աշխատանքից գոհունակության ավելի բարձր մակարդակ, եթե հնարավորություն են ունեցել աշխատանքային ժամին համացանց մտնելու:
«Աշխատանքային ժամին համացանց մտնելով՝ մարդն ազատվում է բացասական էմոցիաներից, ինչպես նաեւ ավելի հեշտ է հաղթահարում նույնիսկ ամենալուրջ եւ վտանգավոր սթրեսը: Այսինքն՝ վերջնարդյունքում աշխատանքային ժամին համացանցային սերֆինգը ավելի շուտ օգտակար, քան վնասակար զբաղմունք է: Եթե խոսքը րոպեական դադարների մասին է, ապա դրանք մեծացնում են արդյունավետության մակարդակը, հաղորդում են գոհունակության զգացում, ինչպես նաեւ ընդհանրապես մեծացնում են էներգիան, ինչի շնորհիվ մարդը աշխատելու համար նոր ուժ է ստանում»,- նշում են հետազոտության հեղինակները:
