Պակիստանը գիշերը հարվածել է Աֆղանստանի տարածքում գտնվող օբյեկտներին

Պակիստանը գիշերային հարվածներ է հասցրել «Թալիբան» շարժման օբյեկտներին և «ահաբեկիչների թաքստոցներին» աֆղանական Քանդահարում. X սոցիալական ցանցում հայտնել է Պակիստանի տեղեկատվության նախարարը։

Իր հերթին աֆղանական կառավարության ներկայացուցիչ Զաբիհուլա Մուջահիդը հաստատել է հարձակման փաստը։

Միևնույն ժամանակ նա հայտնել է, որ զոհեր չկան։

Երկու երկրների միջև բախումները տեղի են ունեցել այն բանից հետո, երբ փետրվարին աֆղանական տարածքին Պակիստանի հասցրած ավիահարվածները սահմանի երկայնքով աֆղանների պատասխան հարձակումների պատճառ էին դարձել։ Դա հանգեցրել է վաղեմի լարվածության սրմանը՝ կապված Պակիստանի այն պնդման հետ, թե Աֆղանստանն ապաստան է տալիս «Թալիբան» շարժման պակիստանցի զինյալներին: Աֆղանստանը հերքում է դա։