նախընտրելի դարձնել
Suzuki ընկերությունը Baleno կոմպակտ հեչբեքի նոր լուսանկարներ է տարածել: Նմուշի հանրային դեբյուտը տեղի կունենա սեպտեմբերին Ֆրանկֆուրտի մոտորշոուի ընթացքում:
Հինգդռնանի մեքենան իրենից ներկայացնում է ժնեւյան IK-2 հղացքային մեքենայի սերիական տարբերակ: Suzuki Baleno-ն կկառուցեն նոր հիմքի վրա, որը հնարավորություն կտա նախորդի համեմատ զգալիորեն նվազեցնել հեչբեքի զանգվածը:
Baleno-ի հսկայական չափերը մոտ կլինեն նախատիպին: Երկարությունը կկազմի մոտ 4023 միլիմետր, լայնությունը՝ 1920, իսկ բարձրությունը՝ 1450 միլիմետր, անիվների հիմքի չափը կհասնի 2520 միլիմետրի, փոխանցում է Motor-ը:
Հեչբեքը շարժման մեջ կմտցվի բենզինով աշխատող լիտրային Boosterjet տուրբոշարժիչով՝ վառելիքի ուղղակի ներարկմամբ: Նրա հզորությունը դեռեւս չի հայտարարվել, բայց ընկերությունում պնդում են, որ մոդելը «պատկառելի» դինամիկ բնութագրեր կունենա: Նմուշը զինված կլինի «սթարտ-ստոպ» համակարգով:
Suzuki Baleno հեչբեքը, որը «Սվիֆտի» «ավելի ռացիոնալ» այլընտրանք է համարվում, եվրոպացի վաճառողների մոտ կհայտնվի 2016-ի գարնանը:
Հետո ճապոնացի ավտոարտադրողի՝ տարեկան երկու նոր նմուշ թողարկելու պլանին համապատասխան, ապրանքանիշի նմուշների շարքը կընդլայնվի А եւ В կլասի սեդանների, ինչպես նաեւ երկու ամենագնացի հաշվին:
